Кога станува збор за националните и државни интереси на Македонија, претседателот на ВМРО-ДПМНЕ Христијан Мицкоски е подготвен да разговара во кое било време, велат од ВМРО-ДПМНЕ по денешната најава за покана за средба од страна на Димитар Ковачевски, кој денеска изјави дека од идната недела ќе го покани и претседателот на опозицијата да разговараат за уставните измени и за односите со соседите.
27.5.2023 - 14:52
„Доколку постои желба за национално единство и слушање на гласот на мнозинството, прифаќаме лидерска средба на која треба меѓудругото да се види што ќе се прави во периодот по неуспехот на тие уставните измени и иднината на граѓаните која треба да се обезбеди“, велат од ВМРО-ДПМНЕ.
