Дизајнот вклучува елементи од новиот дизајнерски јазик „модерн солид“, а клучните карактеристики вклучуваат унапредени ЛЕД матрикс предни светла и ЛЕД задни светла со кристални елементи, се наведува во соопштението на чешката марка.
„Суперб традиционално го обликува дизајнерскиот јазик на Шкода и четвртата генерација на моделот ќе продолжи да го прави тоа: неговиот изгледа го карактеризираат остро исцртани линии, јасно дефинирани и динамични пропорции и модерен стил“, вели Оливер Стефани, раководителот на секторот за дизајн на Шкода.
Повисокиот и подолгиот суперб во четвртата итерација доаѓа со подобрена аеродинамика и бројни истакнати детали. Меѓу другото, просторот за глава и багажникот се значително пораснати. Премиерата на новиот суперб е закажана за 3 ноември.
